Griep.

Wat is grunniger griep, it is nog veul aarger as de Mexicoanse griep.

Bonzen in d’kop
Hoamer geklop
Neuze potdicht
Pien in ’t gezichte
Pien in de strödde
En killende koezen
Zinken in ‘d hazzens.
Piene in d’aams
Kramp in daarms
Polze aan ’t joagen
Tonge besloagen
Pien in de rogge
En pien in de bainen
Toonen as ies
En vouten as stainen
Koorz as’n peerd
Haildal niks weerd
Stief as’n ladde
’n Smoak – arre gadde !
Oogen aan ‘troanen
En haildal rood
Kop en bainen
Binnen zwoar as lood.
Almoar aan ’t rillen
Dörst nait te stillen
Tanden geklapper
Aaldoage slapper
Kroaken en stennen
Vanaal dei ellenden
Kermen van piene
Nait meer overende.
Keel almoar dikker
Koald as ’n kikker
Den weer aan ’t gluien
De haile dag bruien
Den weer in berre
Deronder met de neuze
’n Kroeke of een vlinte
Joen ainigste keuze.
Nachten en doagen
In ’t berre omruden
Proaten mit haistege
Noare geluden
Housten en kuchen
Gekroak en gepiep
Ain stuk ellende.
Das nou Grunniger griep.

Gelukkig heb ik dat nait allemoal had. Groetjes en ain mooi weekend